-
-
-
-
काठमाडौं । इटालियन सिरि ए फुटबलको उपाधि नापोलीले जितेको छ । बिहीबार राति उडिनेजसँग १–१ गोलको बराबरी खेल्दै नापोलीले उपाधि जितेको हो ।
खेलको १३ औं मिनेटमा सान्डी लोभ्रिचले गोल गर्दै उडीनेजलाई अग्रता दिलाएका थिए । तर ५२ औं मिनेटमा भिक्टर ओसिमहेनले गोल गर्दै नापोलीलाई १–१ गोलको बराबरीमा ल्याए ।
यस बराबरीसँगै नापोलीलाई उपाधि दिलाउन पर्याप्त रह्यो ।
नापोली ३३ खेलमा ८० अंक जोडेर शीर्ष स्थानमा रहेको छ ।
नापोली शीर्ष स्थानमा १६ अंकले अघि रहेको छ । दोस्रो स्थानको लाजियोको ३३ खेलबाट ६४ अंक मात्रै छ ।
नापोलीले पाँच खेलअघि नै उपाधि जितेको हो ।
नापोलीले ३३ वर्षपछि सिरि ए लिगको उपाधि जितेको हो ।
यसअघि नापोलीले सन् १९९० मा सिरि ए उपाधि जितेको थियो ।
