मुम्बई । भारतको शिक्षा प्रणाली कस्तो छ भन्ने जानकारी पाउन एउटै उदाहरण काफी हुन्छ । भारतको ठाणेस्थित एक विद्यालयको ९ कक्षाको परीक्षामा एक खेलाडीकी प्रेमिकाको नाम सोधिएर सिंगो भारतकै बदनाम गर्न पर्याप्त बनेको छ ।
यसले त्यहाँका विद्यार्थीमाथि गरिएको विद्याको नाममा खेलबाडको झझल्को स्पष्ट आउँछ । भारतीय क्रिकेटर विराट कोहलीकी प्रेमिकाको नाम के हो भनी सोधिएको थियो ।
त्यसमा विकल्पका रुपमा प्रियंका, अनुष्का र दीपिकाको नाम दिइएको थियो ।
शारीरिक अभ्यास विषयको प्रश्नपत्रमा चाचा नेहरू हिन्दी हाइस्कुलले गत अक्टोबर १३ तारिखमा परीक्षा लिएको थियो ।
यो विषय अहिले सामाजिक संजालमा भाइरल बनेको छ । तर विद्यार्थीका अभिभावकले भने कुनै क्रिकेटरका बारेमा प्रश्न सोध्नु सामान्य भएको प्रतिक्रिया दिएका छन् ।
जब अभिभावकमै समस्या भएपछि त्यस्ता स्कुलको प्रशासनलाई यस्तो गल्ती गर्ने छुट नहुने त कुरै भएन ।
चलचित्रका बारेमा पनि प्रश्न सोधिने हो भने त विद्यार्थीहरु चलचित्र हलमा भेटिनु पनि नौलो नहुने भैहाल्यो ।
