-
-
-
-
झापा । झापाको गौरादह नगरपालिका वडा नंं २ हासखोरा टोल निवासी एन्जल ताजपुरियाको पौडी खेल्ने क्रममा खोलामा डुबेर ज्यान गएकोछ ।
शनिबार बिदाको समयमा एन्जलसहित ४ जना बालकहरु स्थानीय कृश्निखोलामा पौडी खेल्न गएको स्थानीयले बताए ।
पौडी खेल्ने क्रममा गौरादह नगरपालिका वडा नं २ हासखोरा टोल निवासी गोविन्द ताजपुरियाका १३ वर्षीय छोरा ज्ञान ज्योती माध्यमिक विद्यालयका कक्षा ६ मा अध्ययनरत एन्जलको ज्यान गएको इलाका प्रहरी कार्यालय गौरादहले जानकारी दिएकोछ ।
पौडी खेल्दा खेल्दै एक्कासी एन्जल बेपत्ता भएपछि उनका साथीहरु आत्तिदै नजिकैको गाउँतिर गएका थिए ।
स्थानीयले खोलामा खोजी गर्दा उनी मृत अवस्थामा फेला परेको वडा सदस्य शंकर कट्टेलले बताए ।
घटनाको जानकारी पाएपश्चात् इलाका प्रहरी कार्यालय गौरादह र दमकको संयुक्त टोली घटनास्थलमा पुगी आवश्यक मुचुल्का तयार गरी फर्किएको छ ।
हाल मृतक बालकको शव पोस्टमार्टमका लागि दमक लगिएको प्रहरीले जनाएको छ ।
