स्पेन । बार्सिलोनाले स्पेनिश फुटबल लिग ला लिगामा बलियो प्रतियोगी सेभिल्लालाई उसकै मैदानमा हराउँदै शीर्ष स्थानको रियल मड्रिडसंग अंक दूरी कम गरेको छ ।
सोमबार बिहान भएको खेलमा बार्सिलोना २–१ ले विजयी भएको हो ।
खेलको १५ मिनेटमै भिटोलोले गोल गर्दै सेभिल्लालाई अग्रता दिलाए ।
४३ औं मिनेटमा लिओनल मेसीले गोल गर्दै बार्सिलोनालाई बराबरीमा ल्याए ।
६१ औं मिनेटमा लुइस सुवारेजले गोल गर्दै खेल २–१ ले जिताए ।
जितसंगै बार्सिलोना २५ अंकसहित दोस्रो स्थानमा कामयै छ । रियल मड्रिडको भने २७ अंक रहेको छ ।
त्यस्तै तेस्रो स्थानको भिल्लारियलको २२ अंक छ ।
आइतबार रातिका खेलमा सेल्टाभिगोले भ्यालेन्सियालाई २–१ ले, भिल्लारियलले रियल बेटिसलाई २–० ले हराउँदा स्पानियोल र एथलेटिक बिलबाओले भने गोलरहित बराबरी खेलेका छन् ।
