-
-
-
-
काठमाडौँ ।राष्ट्रिय सभा अध्यक्षमा नवनिर्वाचित नारायण दाहालले निर्वाचनमा सहयोग गर्ने सबैलाई धन्यवाद दिएका छन् ।
मंगलवार राष्ट्रिय सभा अध्यक्षमा निर्वाचित भएपछि अध्यक्ष दाहालले राष्ट्रिय सभालाई ओझापूर्ण, गरिमामय र देशको अति आवश्यक संस्था बनाउन प्रयत्न गर्ने बताए ।
उनले भने – ‘भोलिको दिनमा म आफ्नो ठाउँबाट जे उद्देश्यका साथ, जे प्रतिवद्धताका साथ र जे चाहना र भावनाका साथ मलाई यो ठाउँमा पुर्याउनुभएको छ, म त्यो काम पूरा गर्नको निम्ति तयार रहनेछु ।'
उनले राष्ट्रिय सभाको अधिकार क्षेत्रभित्र पर्ने कानून निर्माण लगायत हरेक कामलाई गम्भीरताका साथ लिएर अगाडी बढ्ने बताए ।
उनले विभिन्न पार्टीसँग आबद्ध राष्ट्रिय सभा सदस्यहरूलाई एकताबद्ध बनाएर लैजाने कुरामा आफू प्रतिबद्ध रहेको बताए ।
