लण्डन । इङलिश प्रिमियर लिग फुटबलको १२ औं चरणको अन्तिम खेलमा वेष्टब्रोमविच आल्बियन विजयी भएको छ । वेष्टब्रोमले घरेलु मैदानमा बर्नलेमाथि ४–० को फराकिलो जित हासिल गरेको हो ।
वेष्टब्रोमको जितमा म्याथ्यु फिलिप्स, जेम्स मोरिसन, डयारेन फेलेच्चर र रोन्डोनलले एक एक गोल गरे ।
यो खेलपटि १६ अंकसहित वेष्टब्रोम नवौं स्थानमा चढेको छ भने बर्नले १४ अंकसहित १२ औं स्थानमा झरेको छ ।
लिगमा २८ अंकसहित चेल्सी शीर्ष स्थानमा कायमै छ ।
२७–२७ अंकका लिभरपुल र म्यानचेष्टर सिटी दोस्रो र तेस्रो स्थानमा हुँदा २५ अंकको आर्सनल चौथो, २४ अंकको टोटनह्याम पाँचौं तथा १९ अंकको म्यानचेष्टर युनाइटेड छैटौं स्थानमा छ ।
