ओल्ड ट्राफोर्ड । युरोपा लिग फुटबलमा इङल्याण्डको क्लव म्यानचेस्टर युनाइटेडले शानदार जित हासिल गरेको छ । घरेलु मैदान ओल्ड ट्राफोर्डमा खेलेको म्यानचेष्टरले नेदरल्याण्ड्सको क्लव फेयनुर्डलाई ४–० ले हरायो ।
म्यानचेस्टर युनाइटेडलाई विजयी गराउन हुँवा माटा, वायन रुनी र जेस्सी लिङ्गार्डले एक–एक गोल गरे ।
फेयनुर्डका गोलरक्षक जोन्सले आत्मघाती गोल गरेपछि म्यानचेष्टर युनाइटेडले एक गोल उपहारमा पाएको थियो ।
यो जितसँगै म्यानचेस्टर युनाईटेड युरोपा लिग फुटबलको अर्को चरण नजिक पुगेको छ ।
म्यानचेष्टरको समूह ए को अर्को खेलमा टर्कीको क्लव फेनरवाचले युक्रेनको क्लव जोर्यालाई २–० ले हरायो ।
फेनरवाचको ५ खेलबाट १० अंक छ भने म्यानचेष्टरको ९ अंक छ । फेयनुर्डको ७ तथा जोर्याको २ अंक छ ।
म्यानचेष्टर अर्को चरण नजिक पुगे पनि अर्को इङल्याण्डको क्लव साउथह्याम्प्टनले अर्को चरणमा पुग्ने अवसर गुमाएको छ । चेक गणतन्त्रको स्पार्टा प्रागसँग १–० ले पराजित भएपछि साउथह्याम्पटनले अवसर खेर फालेको हो ।
युरोपा लिग अन्तर्गत अन्य खेलमा ईजरेलको हपोईल, बेल्जियमको एन्डरलेच, नेदरल्याण्ड्सको एजेड अल्कमार, रुसको जेनिथ र रोमानियाको स्टावा बुकारेष्टले पनि आफ्नो खेल जितेका छन् ।
