-
-
-
-
काठमाडौँ । तिहार फ्लोरा एक्स्पो २०८१ आजबाट भृकुटीमण्डपमा शुरू भएको छ । नर्सरी व्यवसायी संघ नेपालको आयोजनामा ‘तिहारको उत्सव फूलको महोत्सव’ भन्ने नाराका साथ यो प्रदर्शनी सञ्चालनमा ल्याइएको हो ।
उक्त प्रदर्शनी कार्तिक ९ गतेदेखि १३ गतेसम्म भृकुटीमण्डपमा सञ्चालन भइरहेको हो । मेलामा ६५ वटा व्यवसायीक स्टललगायत वनस्पती विभाग, पुष्प विकास केन्द्र, सहितको अफिसियल ३ स्टल तथा प्रतिस्पर्धाको २ वटा स्टलसहित जम्मा ७० वटा स्टल रहेका छन् ।
मेलामा ३५ हजारले अवलोकन गर्ने साथै ७० लाख भन्दा बढीको आर्थिक कारोवार हुने अपेक्षा आयोजकको छ । एक्सपो अवलोकन गर्न सर्वसाधारणको लागि प्रवेश शुल्क प्रतिव्यक्ति एक सय रुपैयाँ, विद्यार्थीहरू र जेष्ठ नागरिकको लागि प्रतिव्यक्ति ५० रुपैयाँ तोकिएको छ ।
