इमाइरेट्स । इङलिश प्रिमियर लिग फुटबलको अंक तालिकामा उतारचढाव भइरहेको छ । शीर्ष पाँच स्थानका लागि निकै टक्कर भइरहँदा आर्सनल तेस्रो स्थानमा चढेको छ ।
आइतबार राति भएको खेलमा क्रिष्टल प्यालेसलाई घरेलु मैदानमा २–० ले हराउँदै आर्सनलले म्यानचेष्टर सिटीलाई पछाडि छोड्दै तेस्रो स्थानमा चढेको हो ।
आर्सनललाई जिताउन ओलिभर जिरर्ड र एलेक्स वोबीले गोल गरे ।
त्यस्तै टोटनह्याम हटसपर चौथो स्थानमा चढेको छ । टोटनह्यामले आइतबार राति वाटफोर्डलाई उसकै मैदानमा ४–१ ले हरायो । ह्यारी काने र डेले अलीले दुई दुई गोल गरे ।
पराजित वाटफोर्डका योनेस काबोलले ९० औं मिनेटमा सान्त्वना गोल फर्काए ।
लिग तालिकामा १९ औं चरणको समाप्तिसम्म चेल्सी शीर्ष स्थानमा रहँदा ४३ अंकको लिभरपुल दोस्रो स्थानमै छ ।
तेस्रो स्थानको आर्सनलको ४० तथा चौथो स्थानको टोटनह्यामको ३९ अंक छ । ३९ अंकबाट म्यानचेष्टर सिटी पछाडि धकेलिएको छ ।
