दुई समितिका वार्षिक प्रतिवेदन प्रतिनिधि सभामा पेश गरिँदै, विनियोजन विधेयकमाथिको छलफल जारी
हाम्रा कुरा
प्रकाशित २०८२ जेठ १ बिहिबार
2.3k
Shares
काठमाडौं। प्रतिनिधि सभाको बैठक आज बिहान ११:०० बजे बस्दै छ। बैठकमा दुई संसदीय समितिहरूले आफ्नो वार्षिक प्रतिवेदन पेश गर्ने कार्यक्रम रहेको छ।
अन्तर्राष्ट्रिय सम्बन्ध र पर्यटन समितिका सभापति राज किशोर यादवले “अन्तर्राष्ट्रिय सम्बन्ध र पर्यटन समितिको वार्षिक प्रतिवेदन, २०८२” सभामा प्रस्तुत गर्नेछन्।
यसै गरी, कानुन, न्याय तथा मानव अधिकार समितिका माननीय सभापति विमला सुवेदीले “कानुन, न्याय तथा मानव अधिकार समितिको वार्षिक प्रतिवेदन, २०८१/०८२” पेश गर्नेछिन्।
बैठकमा आर्थिक वर्ष २०८२/०८३ को लागि विनियोजन विधेयकका सिद्धान्त र प्राथमिकता सम्बन्धमा (कर प्रस्ताव बाहेक) छलफललाई निरन्तरता दिइने कार्यसूची रहेको छ।
