काठमाडौं । प्रधानमन्त्री केपी शर्मा ओलीको अध्यक्षतामा गठित उच्चस्तरीय सुशासन आयोगको पहिलो बैठक आज बस्दैछ।
प्रधानमन्त्री तथा मन्त्रिपरिषद्को कार्यालय सिंहदरबारमा बस्ने यस बैठकमा मुलुकमा सुशासन कायम गर्न भइरहेका कामहरूको समीक्षा र सुधारका उपायहरूबारे छलफल हुनेछ।
प्रधानमन्त्री ओलीका स्वकीय सहसचिव रोश्नी मेचेले जानकारी दिएअनुसार, यो आयोग गत वैशाख ८ गतेको मन्त्रिपरिषद्को बैठकले गठन गरेको थियो।
आयोगमा प्रधानमन्त्री ओलीका साथै उपप्रधानमन्त्री एवं अर्थमन्त्री विष्णुप्रसाद पौडेल, गृहमन्त्री रमेश लेखक, कानुन, न्याय तथा संसदीय मामिलामन्त्री अजयकुमार चौरसियालगायत सदस्य रहेका छन्।
