संसद दुई घण्टा ढिला गरी शुरू, वेल घेराउ जारी [लाइभ]
हाम्रा कुरा
प्रकाशित २०८२ असार ५ बिहिबार
716
Shares
काठमाडौँ । बुधबार बस्नै नसकेको प्रतिनिधि सभाको बैठक बिहीबार दुई घण्टा ढिला गरी शुरु भएको छ । बिहान ११ बजेलाई डाकिएको बैठक दिउँसो १ बजेपछिमात्र शुरु भएको हो ।
विपक्षी दल राष्ट्रिय स्वतन्त्र पार्टी (रास्वपा) का सांसदहरुले बैठकमा अवरोध कायम राखेका छन् । उनीहरुले वेल घेराउ गरेका छन् ।
रास्वपाको वेल घेराउका बीच सभामुख देवराज घिमिरेले बैठकलाई अगाडि बढाएका छन् ।
बैठकको शुरुमै राप्रपाले पनि विरोध जनाएको थियो । राप्रपाले रास्वपाको वेल घेराउका बीच बैठक अघि बढाएकाले बैठक बहिष्कार गरेर बाहिरिएको छ ।
सभामुख घिमिरेले बैठकको शुरुमा रास्वपा सांसद हरि ढकाललाई समय दिएका थिए । ढकालले माग पूरा नभएसम्म आन्दोलन जारी रहने बताए ।
रास्वपाले भिजिट भिसा प्रकरणलाई विषय बनाएर गृहमन्त्रीको राजीनामा मागिरहेको छ ।
