रास्वपा र राप्रपाद्वारा प्रतिनिधि सभा बैठक बहिष्कार [भिडियो]
हाम्रा कुरा
प्रकाशित २०८२ असार ६ शुक्रबार
911
Shares
काठमाडौं। राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा) का सांसदहरूले शुक्रबारको प्रतिनिधिसभा बैठक बहिष्कार गरेका छन्। भिजिट भिसा प्रकरणमा गृहमन्त्री रमेश लेखक मुछिएको भन्दै राजीनामा र उच्चस्तरीय छानबिन समितिको माग गर्दै आएका यी दुई दलले सभामुख देवराज घिमिरेले कार्यसूची अगाडि बढाउन खोजेपछि बैठक बहिष्कार गरेका हुन्।
शुक्रबारको बैठकमा सभामुखले कार्यसूची अगाडि बढाउन खोज्दा रास्वपा र राप्रपाका सांसदहरूले उठेर विरोध जनाएका थिए। उनीहरूले आफ्नो माग सुनुवाइ नभएको भन्दै बैठक कक्ष छोडेर बाहिरिएका हुन्।
भिजिट भिसा प्रकरणमा गृहमन्त्रीको संलग्नताको आरोप लागेपछि रास्वपा र राप्रपाले निरन्तर संसदमा आवाज उठाउँदै आएका छन्। उनीहरूको मुख्य माग गृहमन्त्रीको राजीनामा र घटनाको सत्यतथ्य पत्ता लगाउन उच्चस्तरीय छानबिन समिति गठन गर्नु रहेको छ।
संसदमा जारी यो गतिरोधले आगामी बैठकहरूमा पनि थप चुनौती सिर्जना गर्न सक्ने देखिएको छ।
