इमाइरेट्स स्टेडियम । इङलिश प्रिमियर लिग फुटबलमा आर्सनल दोस्रो स्थानमा पुगेको छ । बर्नलेमाथि २–१ को विजयी नतिजा निकाल्दै आर्सनल २२ खेलबाट ४७ अंकका साथ दोस्रो स्थानमा पुगेको हो । खेलको ५९ औं मिनेटमा मुस्ताफीको गोलबाट प्रारम्भिक अग्रता लिएको आर्सनल ६५ औं मिनेटमा १० जनामा समेटियो ।
ग्रानिट जाका रातो कार्ड खाँदै बाहिरिए । जाका जारी सिजनमा दोस्रो पटक रातो कार्ड खाँदै बाहिरिएका हुन् । जाका ३ वर्षमा ९ पटक रातो कार्ड खाने कीर्तिमानी खेलाडीसमेत बनेका छन् ।
९० औं मिनेटमा आन्द्रे ग्रेले पेनाल्टी गोल गर्दै बर्नलेलाई १–१ को बराबरीमा ल्याए । तनावपूर्ण खेलमा बराबरी भएको केही क्षणमै पाएको पेनाल्टीलाई गोलमा परिणत गर्दै एलेक्सिस सान्चेजले आर्सनललाई जिताए ।
लिगमा चेल्सी शीर्ष स्थानमा कायमै छ ।
