जलाइएको राष्ट्रपति कार्यालयमा सेनाको कडाइ [फोटोफिचर]
हाम्रा कुरा
प्रकाशित २०८२ भदौ २७ शुक्रबार
1k
Shares
तस्बिर – नेपाल फोटो लाइब्रेरी ।
काठमाडौँ । जेन–जी आन्दोलनका क्रममा जलाइएको राष्ट्रपतिको कार्यालय शीतलनिवासमा सेनाले कडाइ गरेको छ । अन्तरिम सरकार गठनका विषयमा राष्ट्रपति रामचन्द्र पौडेलले विभिन्न पक्षहरूसँग छलफल गरिरहेका बेलामा सेनाले बल्ल कडाइ थालेको हो ।
यसअघि सेनाका परमाधिपति राष्ट्रपतिको कार्यालय जलिरहँदा बचाउने कोही थिएन । सेनाले देशभरमा काम गरिरहँदा राष्ट्रपति कार्यालय पनि सुरक्षित गर्न थालेको हो ।
राष्ट्रपति पौडेलले प्रमुख राजनीतिक दलका नेता र प्रतिनिधिहरूसँग पनि छलफल गरिरहेका छन् भने जेन–जीका प्रतिनिधिहरूसँग पनि कुराकानी गरिरहेका छन् ।
जेन–जीले बिहीबार रातिसम्म पूर्व प्रधानन्यायाधीश सुशीला कार्कीलाई अन्तरिम सरकार प्रमुखमा सिफारिस गरे पनि विवाद कायमै हुँदा आज बिहान हुने भनिएको शपथ रोकिएको थियो ।
राष्ट्रपतिले शुक्रबार पनि छलफललाई तीव्रता दिएका छन् । राष्ट्रपतिले शीतल निवासबाटै छलफल र संवाद अघि बढाएपछि सेनाले त्यहाँको सुरक्षा बढाएको हो ।
