काठमाडौँ। हेटौंडाको फरेष्टीगेट अगाडि जेन-जी आन्दोलनमा सक्रिय रहेको आरोपमा एक व्यक्तिमाथि खुकुरी प्रहार भएको छ। सोमबार साँझ करिब ६ बजे मकवानपुरगढी गाउँपालिका–५ का प्रेम घिरेलाई अज्ञात व्यक्तिले खुकुरी प्रहार गर्दा उनी घाइते भएका छन्।
जिल्ला प्रहरी कार्यालय मकवानपुरका अनुसार, घिमिरेको अवस्था मध्यम छ र उनलाई थप उपचारका लागि भरतपुर रेफर गरिएको छ। स्थानीयका अनुसार, जेन-जी आन्दोलनसँगको संलग्नतालाई लिएर भएको विवादपछि यो घटना भएको हो।
प्रहरीले घटनामा संलग्नको खोजी कार्य तीव्र पारेको जनाएको छ, तर आक्रमणकारीको पहिचान भने पुष्टि भइसकेको छैन।
