-
-
-
-
काठमाडौँ । तिहारमा फूल महंगो भएको उपभोक्ताले गुनासो गरेका छन् ।
विदेशी फूल आयातमा रोक लगाएपछि फूल महंगो हुन पुगेको हो ।
बजारमा पर्याप्त फूल नभएको कारण महंगो हुन पुगेको उपभोक्ताको गुनासो छ ।
विगतका वर्षमा झुप्पाको आठ सय रुपैयाँमा किन्ने गरेको फूल अहिले एउटैको एक हजार दुई सय रुपैयाँसम्म पर्ने गरेको उपभोक्ताको भनाइ छ ।
नेपाली फूलले मात्रै बजारलाई नधान्ने देखिएको छ ।
विदेशी फूल आयातमा रोकले झनै कालोबजारी बढेको उपभोक्ताले बताएका छन् ।
प्लाष्टिकको फूल रोकेकोमा भने उपभोक्ताले स्वागत गरेका छन् ।
उनीहरूले बजार अनुगमनको पनि खाँचो औँल्याएका छन् ।
फूलैफूलको पर्व भनेर चिनिने तिहार पर्वको फूल किन्ने उपभोक्ताको बजारमा घुँइचो लागेको छ ।
काठमाडाँै महानगरपालिकाले तिहारका लागि फूल र माला बेच्नको लागि ३२ स्थान तोकिदिएको छ ।
सोमबार लक्ष्मीपूजा भएकोले पनि बजारमा फूल किन्नका लागि विशेष चहलपहल बढेको हो ।
तिहारमा नेपालीले फूलले घर सजाउने गरेका छन् ।
