क्याम्प नोउ । स्पेनिश लिग ला लिगाको दोस्रो स्थानमा रहेको बार्सिलोना कोपा देल रे फुटबलको फाइनलमा प्रवेश गरेको छ । सेमिफाइनलमा अर्को ला लिगा क्लव एथलेटिको मड्रिडलाई समग्रमा ३–२ ले हराउँदै बार्सिलोना फाइनलमा पुगेको हो ।
मंगलबार राती भएको सेमिफाइनल दोस्रो लेगको खेलमा बार्सिलोना र एथ्लेटिको मड्रिडले १–१ गोलको बराबरी खेले ।
तर, पहिलो लेगमा हात पारेको २–१ को जितले बार्सिलोना समग्रमा ३–२ ले जित्दै फाइनलमा पुगेको हो ।
दोस्रो लेगमा घरेलु मैदान क्याम्प नोउमा भएको खेलमा ४३ मिनेटमा लुइस सुवारेजले गोल गर्दै बार्सिलोनालाई अग्रता दिलाए ।
५७ औं मिनेटमा सर्गी रोबर्टोले दोस्रो पहेंलो कार्ड खाँदै मैदानबाट बाहिरिनु प¥यो । ६९ औं मिनेटमा कारास्सोले पनि दोहोरो पहेंलो कार्ड खाँदै बाहिरिंदा एथलेटिको पनि १० जनामा सीमित भयो ।
८० औं मिनेटमा केभिन आमेइरोले पाएको पेनाल्टीलाई गोलमा परिणत गर्न नसक्दा एथलेटिको बराबरी गर्न चुक्यो । ८३ औं मिनेटमा भने आमेइरोले गोल गर्दै बराबरी गरे ।
तर ८७ औं र ९० औं मिनेटमा पहेंलो कार्ड खाएका बार्सिलोनाका लुइस सुवारेज बाहिरिंदा भने झड्का लागेको छ ।
बार्सिलोना फाइनलमा पुगे पनि सुवारेज भने उपस्थित हुने छैनन् ।
बार्सिलोनाले फाइनलमा आलाभेस र सेल्टाभिगोबीचको विजेतासंग खेल्नेछ ।
