एफए कप फुटबल प्रतियोगितामा लेस्टर सिटीलाई राहत महसुस भएको छ । प्रिमियर लिगको डिफेन्डिङ च्याम्पियन लेस्टर पछिल्लो समय लयमा नहुँदा धेरै खेल गुमाइसकेको छ ।
बुधबार राति घरेलु मैदान किंग पावर स्टेडियममा भएको एफए कप फुटबलमा डर्बी काउन्टीमाथि संघर्षपूर्ण जित हासिल गर्दै लेस्टरले पाँचौं चरणमा ठाउँ बनाएको छ ।
चौथो चरणको रि प्ले मा लेस्टर ३–१ ले विजयी भयो ।
निर्धारित ९० मिनेटसम्म १–१ गोलको बराबरी भएका अवस्थामा थपिएको ३० मिनेटमा दुई गोल गर्दै लेस्टर सिटी विजयी भएको हो ।
लेस्टरलाई विजयी गराउन एन्डी किंग, एनडीडी र ग्रेले एक एक गोल गरे ।
यसअघि भएको पहिलो खेल बराबरीमा सकिएपछि रि प्ले खेलाउनुपरेको हो ।
