मोलिनेक्स स्टेडियम । एफए कप फुटबलको पाँचौं चरणका खेलमा प्रिमियर लिग लिडर चेल्सीले विजयी नतिजा निकाल्दा लेस्टर सिटीले भने पराजय भोगेको छ । त्यस्तै म्यानचेष्टर सिटी बराबरीमै थन्किएको छ ।
चेल्सीले वोल्भरह्याम्पटन वान्डेरर्सलाई उसकै मैदानमा २–० ले हरायो । चेल्सीलाई विजयी गराउन पेड्रो रोड्रिग्वेज र डिएगो कोस्टाले एक एक गोल गरे ।
लेस्टर सिटीलाई भने मिल्वालले झड्का दिएको छ । मिल्वालले घरेलु मैदानमा १–० को जित निकालेको छ । जाक कुपर ५२ औं मिनेटमा दोहोरो पहेंलो कार्ड खाँदै मैदानबाट बाहिरिएपछि मिल्वाल १० जनामा समेटियो ।
तर पनि लेस्टरले दबाब बनाउन सकेन । अन्तिम मिनेटमा शाउन कमिङ्सले गोल गर्दै मिल्वाललाई जिताए ।
तर गोलपछि मिल्वालका घरेलु समर्थकहरु सयौंको संख्यामा मैदानमा प्रवेश गरेपछि प्रहरीलाई सकस भएको थियो । चार प्रहरीहरु घोडासहित मैदानभित्र छिरेर भीड पन्छाएका थिए ।
मैदान छिर्नेमा केटाकेटीदेखि महिलासम्म थिए ।
त्यस्तै म्यानचेष्टर सिटीले मिडिल्सफिल्ड टाउनसंग गोलरहित बराबरीमा चित्त बुझाएको छ ।
बर्नलेले लिंकनलाई १–० ले तथा मिडिल्सब्रोले अक्सफोर्ड युनाइटेडलाई ३–२ ले हरायो ।
