सान्टियागो बर्नाबाउ । स्पेनिश लिग फुटबल ला लिगामा रियाल मड्रिडको शान कायमै रहेको छ । रियालले लिगको २१ औं खेलमा स्पानियोललाई २–० ले हराएको छ । घरेलु मैदानमा स्टाडियो सान्टियागो बर्नाबाउमा भएको खेलमा रियाललाई विजयी गराउन अल्भारो मोराटा र ग्यारेथ बेलले एक एक गोल गरे ।
जितपछि रियाल मड्रिडले दुई खेल बढी खेलेर ४९ अंकका साथ दोस्रो स्थानमा रहेको सेभियाको भन्दा चार अंकको अग्रता बनाउँदै शीर्ष स्थानलाई मजबुद बनाएको छ ।
सेभियाले शनिबार रातिकै खेलमा आइबरलाई २–० ले हरायो । त्यस्तै ग्रानाडाले रियाल बेटिसलाई ४–० ले, एथलेटिको मड्रिडले स्पोर्टिङ गियोनलाई ४–१ ले तथा अलाभेसले डेपोर्टिभो लाकोरुनालाई १–० ले हरायो ।
लिगमा आइतबार राति २२ खेलबाट ४८ अंकका साथ तेस्रो स्थानमा रहेको डिफेन्डिङ च्याम्पियन बार्सिलोनाले लेगनेससंग खेल्ने कार्यक्रम छ ।
