बोरो स्पोर्ट ग्राउण्ड । आर्सनल इङलिश फुटबल प्रतियोगिता एफए कपको क्वार्टरफाइनल प्रवेश गरेको छ । सोमबार राति भएको पाँचौ चरणको खेलमा सटन युनाइटेडलाई २–० ले पराजित गर्दै आर्सनलले अन्तिम आठमा स्थान बनाएको हो ।
घरेलु मैदानमा खेलेको सटन युनाइटेडलाई हराउने क्रममा लुकास पेरेज र थियो वाल्कोटले एक एक गोल गरे ।
आर्सनलले क्वार्टरफाइनलमा लिंकन सिटीसँग आगामी निबार खेल्नेछ । लिकंन सिटी बर्नलेलाई पराजित गर्दै १०३ बर्षपछि क्वार्टरफाइनलमा पुग्ने पहिलो नन लिग क्लब बनेर कीर्तिमान रचेको टिम हो ।
यो खेलमा एक गोल गरेसंगै वाल्कोटले आर्सनलका लागि गोल संख्यालाई १०० बनाएका छन् । सन् २००६ मा साउथह्यामटनबाट आर्सनल आएका वाल्कोट क्लबका लागि एक सयौं गोल गर्ने आठौं खेलाडीसमेत बनेका छन् । हाल उनी आर्सनलका लागि महत्वपूर्ण खेलाडीमा पर्छन् ।
