स्टामफोर्ड ब्रिज । इङलिश प्रिमियर लिग फुटबलमा चेल्सीको अग्रता कायमै रहेको छ । अग्रतालाई अझ फराकिलो बनाउने क्रममा चेल्सीले शनिबार राति घरेलु मैदान स्टामफोर्ड ब्रिजमा स्वान्सी सिटीलाई ३–१ ले हराएको छ ।
चेल्सीलाई विजयी गराउन सेस फेब्रिगास, पेड्रो रोड्रिग्वेज र डिएगो कोस्टाले एक एक गोल गरे । स्वान्सीका फार्नान्डो लोरेन्टले एक गोल फर्काए ।
यो जितसंगै चेल्सीको २६ खेलबाट ६३ अंक भएको छ । दोस्रो स्थानको म्यानचेष्टर सिटीको २५ खेलबाट ५२ अंक छ ।
तेस्रो स्थानको टोटनह्याम हट्सपरको ५० र चौथो स्थानको आर्सनलको पनि ५० नै अंक छ ।
आइतबार बेलुकी ७ः१५ बजे टोटनह्याम र स्टोक सिटी भिड्ने छन् । राति हुने भनिएको म्यानचेष्टर सिटी र म्यानचेष्टर युनाइटेडबीचको खेल भने पछिलाई सरेको छ । म्यानचेष्टर युनाइटेडले इएफ्एल कप फुटबल खेल्ने भएकाले म्यानचेष्टर डर्बी पछिलाई धकेलिएको हो ।
एएफ्एल कप राति १०ः१५ बजे म्यानचेष्टर युनाइटेडको मैदानमा हुँदैछ । म्यानचेष्टरको भिडन्त साउथह्याम्पटनसंग हुँदैछ ।
लिग अन्तर्गत शनिबार राति भएका खेलमा क्रिष्टल प्यालेसले मिडिल्सब्रोलाई १–० ले, एभर्टनले सन्डरल्याण्डलाई २–० ले तथा वेष्टब्रोमले बर्नमाउथलाई २–१ ले हरायो ।
वाट्फोर्ड र वेष्टह्याम तथा हलसिटी र बर्नलेले भने १–१ को बराबरी खेले ।
एएफ्एल कपका कारण साउथह्याम्पटन र आर्सनल बीचको खेल पनि स्थगित भएको थियो ।
