सान मामेज बारिया । स्पेनिश फुटबल लिग ला लिगामा रियाल मड्रिड उपाधिको बाटोमा अगाडि बढेको छ । चिरपरिचित प्रतिद्धन्द्धी बार्सिलोनामाथि ५ अंकको स्पष्ट अन्तर गर्दै रियाल शीर्ष स्थानमा कायमै रहेको छ ।
शनिबार राति भएको खेलमा रियालले एथलेटिक बिलबाओलाई २–१ ले हरायो । रियालको विजयमा करिम बेन्जेमा र कास्मिरोको एक एक गोल सामेल थियो ।
एथलेटिकोले घरेलु मैदानमा खेल्दा हार सामना गर्ने क्रममा एडुरिजले सान्त्वना गोल फर्काए ।
अन्य खेलमा अलाभेसले रियाल सोसिडाडमाथि १–० को विजयी नतिजा निकाल्दा रियाल बेटिसले ओसासुनालाई २–० ले हरायो ।
आइतबार राति १ः३० बजे बार्सिलोनाले घरेलु मैदानमा भ्यालेन्सियासंग खेल्नेछ । त्यस्तै राति ९ः०० बजे सेभियाले एथलेटिको मड्रिडसंग खेल्नेछ ।
लिगमा २७ खेलबाट ६५ अंकको रियाल मड्रिड ६० अंकको बार्सिलोनाभन्दा ५ अंकले अगाडि छ । त्यस्तै २७ खेलबाटै सेभिया ५७ अंकसहित तेस्रो स्थानमा छ ।
