एरिना कोरिन्थियान्स । विश्वकप छनोट फुटबलमा सर्वाधिक धेरै पटक विश्वकप उचालेको ब्राजिल अर्को चरण नजिक पुगेको छ । लगातार ८ खेल जित्ने क्रममा बुधबार बिहान पाराग्वेमाथि ३–० को जित हासिल गर्दै ब्राजिल अर्को चरण नजिक पुगेको हो ।
ब्राजिललाई जिताउने क्रममा लिभरपुलका फरवार्ड पिलिप्पे कौटिन्हो, बार्सिलोना स्टार नेइमार र मार्सेलोले एक एक गोल गरे ।
नेइमारको एउटा पेनाल्टी प्रहारलाई भने पाराग्वेका गोलकिपर एन्टोनी सिल्भाले रोकिदिएका थिए ।
यो जितले अब ब्राजिल अर्को चरण पुग्न मात्र एक जित टाढा छ । यो समूहका अन्य खेलमा इक्वेडरले कोलम्बियासंग २–० को हार आत्मसात गरेको छ ।
त्यस्तै चिलीले भेनेजुएलालाई ३–१ ले हराएको छ ।
