इमाइरेटस स्टेडियम । इङलिश प्रिमियर लिग फुटबलमा आर्सनल र म्यानचेष्टर सिटीले २–२ गोलको बराबरी खेलेका छन् । आइतबार राति भएको खेलमा आर्सनल घरेलु मैदान इमाइरेटस स्टेडियममा बराबरीमै रोकिएको हो ।
५ मिनेटमै लेरो सानेको गोलबाट म्यानचेष्टर सिटीले अग्रता लियो । आर्सनललाई बराबरी गर्न थप ३५ मिनेट कुर्नुपर्यो । थिओ वाल्कोटले बराबरी गरे । त्यसको २ मिनेटमै सर्जिओ अगुएरोले गोल गर्दै म्यानचेष्टर सिटीलाई अग्रता दिलाए । तर ५३ औं मिनेटमा स्कोद्रान मुस्ताफीले गोल गर्दै आसनललाई बराबरीमा ल्याए ।
लिगको आइतबारकै अर्को खेलमा स्वान्सी सिटी र मिडिल्सब्रोले गोलरहित बराबरी खेले । यी खेलपछि शीर्ष स्थानको चेल्सीको २९ अंक छ । दोस्रो स्थानको टोटनह्याम हट्सपरको ६२ अंक छ । तेस्रो स्थानको लिभरपुलको ५९ अंक छ ।
चौथो स्थानको म्यानचेष्टर सिटीको ५८, पाँचौंको म्यानचेष्टर युनाइटेडको ५३ र छैटौं स्थानको आर्सनलको ५१ अंक छ ।
यता, आर्सनलका समर्थकहरु आपसमै भिडेका छन् । टिमले बराबरी खेलेपछि तातेका समर्थकहरु आपसमै ठोक्किएका हुन् ।
कारण नखुले पनि बराबरीको तनावले आपसमै भिडेको अनुमान गरिएको हो ।
