क्याम्प नोउ । स्पेनिश लिग फुटबल ला लिगामा रियाल मड्रिड र बार्सिलोनाबीच प्रतिस्पर्धा जारी छ । दुवै टिमले आफ्ना खेल जितेपछि उपाधि दावेदारी दिनानुदिन रोचक बन्दै गएको छ ।
बार्सिलोनाले सेभियालाई ३–० ले हरायो । लियोनल मेसी खेलमा फर्किएपछि बार्सिलोनाको चार्म एकाएक बढेको छ ।
बार्सिलोनालाई जिताउन मेसीले दुई गोल नै गरे । त्यस्तै लुइस सुवारेजले एक गोल गरे ।
रियाल मड्रिडले लेगनेसलाई ४–२ ले हरायो । रियालका लागि अल्भारो मोराटाले ह्याट्रिक गरे । जेम्स रोड्रिग्वेजले एक गोल थपे ।
२९ खेलबाट ७१ अंकसहित रियाल शीर्ष स्थानमै छ भने एक खेल बढी खेलेको बार्सिलोना ६९ अंकसहित दोस्रो स्थानमा छ ।
