च्याम्पियन्स लिग फुटबल क्वार्टरफाइनलः बार्सिलाना युभेन्टससँग पराजित
खेलाडी चढेको बसमा बम विष्फोट
प्रकाशित २०७३ चैत ३० बुधबार
797
Shares
काठमाडौं । च्याम्पियन्स लिग फुटबल अन्तर्गत क्वार्टरफाइनलको पहिलो लेगको खेलमा स्पेनिश क्लव बार्सिलोना नराम्ररी पराजित भएको छ ।
बार्सिलोना इटालियन क्लव युभेन्टससंग उसकै मैदानमा ३–० को फराकिलो अन्तरले पराजित भएको हो ।
युभेन्टसलाई विजयी गराउन पाब्लो डिबालाले दुई तथा जर्जीनो चेलिनीले एक गोल गरे ।
कमजोर देखिएको बार्सिलोनाका लुइस सुवारेज र एन्द्रेस एनेस्ताले गोल गर्न नसके पनि पहेंलो कार्ड खाँदा दोस्रो लेगमा पनि बार्सिलोना दबाबमा पर्ने देखिएको छ ।
दोस्रो लेग भने बार्सिलोनाले घरेलु मैदानमै खेल्नेछ । तर ४–० को अन्तरले जित्न भने बार्सिलोनालाई समस्यै पर्नेछ ।
यता जर्मन फुटबल क्लव बोरुसिया डर्टमण्डका खेलाडी बोकेको बसमाथि बम हमला भएपछि च्याम्पियन्स लिग अन्तर्गत मोनाको विरुद्ध मंगलबार राति हुनपर्ने खेल रद्द भएको छ ।
जर्मनीको डर्टमण्डस्थित रंगशालातर्फ जाँदै गर्दा तीन वटा बम हमला भएको थियो । जसमध्ये एउटा बम टिम बसनजिकै विष्फोट भएको थियो ।
विष्फोटमा परी खेलाडी मार्क बाट्रा घाईते भएका छन् । नाडीको हड्डी भाचिएपछि उनको शल्यक्रिया गरिएको छ ।
