स्पेनिश लिगमा बार्सिलोना र रियालले गरे गोलको वर्षा
सात वर्षमा मास्चेरानोको पहिलो गोल
प्रकाशित २०७४ वैशाख १४ बिहिबार
551
Shares
क्याम्प नोउ । स्पेनिश लिग ला लिगा फुटबलमा बार्सिलोना र रियाल मड्रिडले गोलको वर्षा गरेका छन् । बार्सिलोनाले घरेलु मैदानमा क्याम्प नोउमा भएको खेलमा ओसासुनालाई ७–१ ले हरायो ।
लिओनल मेस्सी, फ्रान्सिस्को अल्कासर र आन्द्रे गोमेजले २–२ गोल गरे । मेस्सीले बार्सिलोनाका लागि ५०२ गोल गरिसकेका छन् । रियाल मड्रिडविरुद्ध जित हात पार्ने क्रममा मेस्सीले ५०० गोल पूरा गरेका थिए ।
त्यसैगरी हेभियर मास्चेरानोलेलेसमेत कीर्तिमान रचेका छन् । उनले बार्सिलोनाको ७ वर्षको करियरमा पहिलो गोल गरेका हुन् ।
त्यस्तै अर्को खेलमा रियाल मड्रिडले डेपोर्टिभो लाकोरुनालाई ६–२ ले हरायो । गोमेज रोड्रिग्वेजले दुई गोल गरे ।
त्यस्तै अल्भारो मोराटा, लुकास भाक्वेज, इस्को र कासेमिरोले एक एक गोल गरे ।
अन्य खेलमा रियाल सोसिडाडले भ्यालेन्सियालाई ३–२ ले तथा लेगनेसले लस पल्मसलाई ३–० ले हरायो ।
लिगमा उपाधि दावेदारी निकै रोमाञ्चक बन्दै गएको छ । ३४ खेलबाट ७८ अंकसहित बार्सिलोना शीर्ष स्थानमा छ । एक खेल कम खेलेको रियालको ७८ अंक नै छ ।
एथलेटिको मड्रिडको ३४ खेलबाट ६८ अंक छ । सेभियाको ६५ अंक छ । पुछारको ओसासुना भने चार खेल खेल्नुअघि नै रेलिगेशनमा परेको छ ।
ग्रानाडा र स्पोर्टिङ गियोन पनि रेलिगेशनका लागि औपचारिकतामात्र कुरिरहेका छन् ।
