स्पेनिश लिगमा बार्सिलोना र रियाल मड्रिडबीच उपाधि खोस्ने होड
प्रकाशित २०७४ वैशाख १७ आइतबार
221
Shares
आरसीडीइ स्टेडियम । स्पेनिश फुटबल लिग ला लिगामा बार्सिलोना र रियाल मड्रिडबीच उपाधिका लागि घम्साघम्सी परेको छ । शनिबार रातिको खेलमा दुवै टिम विजयी भएका छन् ।
रियालले भ्यालेन्सियालाई २–१ ले हराउँदै अंक तालिकामा अग्रता लिंदा त्यसपछिको खेलमा बार्सिलोनाले स्पानियोललाई ३–० ले हराउँदै फेरि रियाललाई पछाडि पार्न सफल भयो ।
रियाललाई जिताउन क्रिष्चियानो रोनाल्डो र मार्सेलोले १–१ गोल गरे । दबाबमा रहेका रोनाल्डोले पेनाल्टीमा भने गोल गर्न चुके ।
यता, बार्सिलोनालाई जिताउने क्रिममा लुइस सुवारेजले २ तथा इभाँ राकिटिकले १ गोल गरे । यो खेलपछि ३५ खेलबाट बार्सिलोनाको ८१ अंक भएको छ । एक खेल कम खेलेको रियाल मड्रिडको समान अंक भए पनि गोल अन्तरमा पछाडि छ ।
बार्सिलोना अगाडि नै भए पनि रियालले अब आफ्ना बाँकी खेलमा दुवै टिम विजयी भए पनि उपाधि रियाल मड्रिडले जित्नेछ । ७१ अंकबाट तेस्रो स्थानमा रहेको एथलेटिको मड्रिड भने उपाधि होडबाट बाहिरिएको छ ।
