-
-
-
-
इमाइरेट्स स्टेडियम । म्यानचेष्टर युनाइटेडको २५ खेल अपराजित यात्रा टुंगिएको छ । इङलिश प्रिमियर लिग फुटबलमा रहेको यो यात्रालाई टुंगाउने क्रममा म्यानचेष्टर युनाइटेडलाई आर्सनलले २–० ले हरायो ।
आर्सनललाई विजयी गराउन जाका र वेल्बेकले १–१ गोल गरे ।
यो हारले भने यसपटक फेरि पनि म्यानेचष्टर प्रशिक्षक होजे मौरिन्होलाई झड्का लागेको छ ।
म्यानचेष्टरका खेलाडीहरुसमेत आलोचित भएका छन् । निराश हुँदै उनीहरु घरेलु मैदानमा फर्केका छन् ।
अर्को खेलमा लिभरपुलले साउथह्याम्पटनसंग गोलरहित बराबरी खेल्यो ।
लिगको अंक तालिकामा चेल्सी ३४ खेलबाट ८१ अंकसहित उपाधि नजिक पुगेको छ ।
टोटनह्याम हट्सपर ३५ खेलबाट ७७ अंकसहित कम्तीमा दोस्रो स्थानमा रहने छ ।
तेस्रो स्थानका लागि लिभरपुल, म्यानचेष्टर सिटी र म्यानचेष्टर युनाइटेडबीच निकै कडा प्रतिस्पर्धा देखिएको छ ।
लिभरपुलको ७०, म्यानचेष्टर सिटीको ६९ र म्यानचेष्टर युनाइटेडको ६५ अंक छ ।
