-
-
-
-
स्टामफोर्ड ब्रिज । इङलिश प्रिमियर लिग फुटबलको उपाधिका लागि चेल्सीले औपचारिकतामात्र कुरिरहेको छ ।
यसपटक निकै सशक्त देखिएको चेल्सीले ३५ औं खेलमा मिडिल्सब्रोलाई ३–० ले पराजित गर्यो । घरेलु मैदान स्टामफोर्ड ब्रिजमा सोमबार राति भएको खेलमा चेल्सीलाई जिताउन डिएगो कोस्टा, मार्कस अलन्सो र नेमान्जा माटिकले १–१ गोल गरे ।
यो जितले ३५ खेलबाट ८४ अंकको चेल्सी अब एक खेल जितबाटै उपाधि पक्का गर्नेछ । अथवा दोस्रो स्थानको टोटनह्याम हटसपरले आफ्नो खेलमा बराबरी वा पराजय बेहोरे पनि चेल्सीले दुई खेल खेल्नुअघि नै उपाधि जित्नेछ ।
टोटनह्यामको ३५ खेलबाट ७७ अंक छ ।
यता हारपछि मिडिल्सब्रो भने रेलिगेशनमा परेको छ ।
दुई खेल खेल्न बाँकी छँदै मिडिल्सब्रो रेलिगेशनमा परेको हो ।
त्यस्तै सन्डरल्याण्ड पनि रेलिगेशनमा परिसकेका अवस्थामा क्रिष्टल प्यालेस, स्वान्सी सिटी वा हलसिटीमध्ये एक टिम रेलिगेशनमा पर्नेछ ।
