-
-
-
-
युभेन्टस स्टेडियम । इटालियन क्लव युभेन्टस च्याम्पियन्स लिग फुटबलको फाइनलमा प्रवेश गरेको छ ।
मंगलबार राति घरेलु मैदानमा खेलेको युभेन्टसले फ्रेन्च क्लव मोनाकोमाथि जित हासिल गर्दै फाइनलमा ठाउँ बनाएको हो ।
पहिलो लेगमा मोनाकोको मैदानमा २–० को जित निकालेको युभेन्टसले दोस्रो लेगमा घरेलु मैदानमा २–१ को जित निकालेको हो । एग्रिगेटमा ४–१ को जितसहित युभेन्टसले फाइनलमा ठाउँ बनाएको हो ।
घरेलु मैदानमा युभेन्टसका लागि मारियो मान्जुकी र डायिनल एलाभेसले १–१ गोल गरे । मोनाकोका लागि केलिएन एमबाप्पेले एक गोल फर्काए ।
क्वार्टरफाइनलमा स्पेनिश क्लव बार्सिलोनामाथि जित हासिल गर्दै फाइनलसम्मको यात्रा तय गरेको युभेन्टसले अब अर्को स्पेनिश क्लवलाई हराएमात्र उपाधि जित्नेछ ।
अर्को सेमिफाइनलको दोस्रो लेगमा बुधबार राति स्पेनिश क्लवहरु रियाल मड्रिड र एथलेटिको मड्रिड खेल्दैछन् ।
पहिलो लेगमा भने रियाल मड्रिड ३–० ले विजयी भएको थियो । दोस्रो लेग एथलेटिकोको मैदानमा हुँदैछ ।
फाइनल खेल भने जुन ४ तारिखमा हुनेछ ।
