-
-
-
-
सेन्ट मेरी स्टेडियम । इङलिश प्रिमियर लिग फुटबलमा तेस्रोदेखि छैटौं स्थानका लागि निकै रोचक भिडन्त भइरहेको छ ।
उपाधि चेल्सीतर्फ ढल्किँदा टोटनह्याम हटसपर दोस्रो स्थानमा सुरक्षित रहँदा तेस्रोदेखि छैटौंको भिडन्त रोचक भएको हो । ३६ खेलबाट ७० अंकको लिभरपुल अहिले तेस्रो स्थानमा छ ।
म्यानचेष्टर सिटी ३५ खेलबाट ६९ अंकसहित चौथो स्थानमा छ । ३५ खेलबाटै ६६ अंकसहित आर्सनल पाँचौं स्थानमा चढेको छ ।
म्यानचेष्टर युनाइटेड ६५ अंकबाट छैटौं स्थानमा छ । आर्सनलले बुधबार रातिको खेलमा साउथह्याम्पटनलाई २–० ले हरायो ।
एलेक्सिस सान्चेज र ओलिभियर जिरुले गोल गर्दै आर्सनललाई जिताए । लय कायमै राख्न सके आर्सनलको पनि तेस्रो स्थानमा पुग्ने सम्भावना छ ।
