-
-
-
-
वेम्बले । इंगलिश एफए कप फुटबलको उपाधि आर्सनलले जितेको छ । वेम्बलेमा शनिबार राति भएको फाइनलमा आर्सनलले इंगलिश प्रिमियर लिग विजेता चेल्सीलाई २–१ ले पराजित गरेको हो ।
एलेक्स सान्चेजले खेलको चौथो मिनेटमा गोल गर्दै आर्सनललाई अग्रता दिलाएका थिए ।
६८ औं मिनेटमा चेल्सीका भिक्टर मोजेज दोहोरो पहेंलो कार्डसहित बाहिरिनु परेपछि १० जनामा सीमित भयो ।
तर ७६औं मिनेटमा डिएगो कोस्टाले बराबरी गोल फर्काए । त्यो बराबरी धेरै समय टिकेन ।
७९ औ मिनेटमा एरोन रामसेले गोल गर्दै आर्सनललाई जिताए ।
यो उपाधिसंगै आर्सेन विंगरको २१ बर्षे आर्सनल करियर पनि सकिने अनुमान गरिएको छ ।
मंगलबारको बोर्ड बैठकले उनलाई बिदाई दिने वा के गर्ने भन्ने निर्णय गर्नेछ ।
