-
-
-
-
वेम्बली । हडर्सफिल्ड टाउन पहिलो पटक इंगलिश प्रिमियर लिग फुटबलका लागि बढुवा भएको छ । च्याम्पियनसिप क्लव हडर्सफिल्डले बढुवाका लागि भएको प्लेअफ फाइनलमा सोमबार राति रिडिङलाई टाइब्रेकरमा ४–३ ले हराउँदै कीर्तिमान रचेको हो ।
निर्धारित ९० मिनेट र थप गरिएको ३० मिनेटमा समेत गोल रहित बराबरी भएपछि खेलको निर्णय टाइब्रेकरबाट लिइएको हो ।
हडर्सफिल्डका लागि क्रिष्टोफर स्चिनड्लेरले विजयी गोल गरे ।
प्रिमियर लिगमा हडर्सफिल्डसंगै न्यूकासल युनाइटेड र ब्राइटन बढुवा भएका छन् ।
प्रिमियर लिगबाट मिडिल्सब्रो, हल सिटी र सन्डरल्याण्ड च्याम्पियनसिपमा झरेका छन् ।
