-
-
-
-
कार्डिफ । युएफा च्याम्पियन्स लिग फुटबलको उपाधि स्पेनिश क्लव रियाल मड्रिडले जितेको छ ।
वेल्सको राजधानी कार्डिफमा शनिबार राति भएको फाइनलमा इटालियन क्लव युभेन्टसलाई ४–१ ले हराउँदै रियाल मड्रिडले उपाधि जितेको हो ।
रियाललाई विजयी गराउन क्रिस्टियानो रोनाल्डोले दुई गोल गरे । त्यस्तै क्यासेमिरो र मार्को एसेन्सियोले १–१ गोल गरे ।
रोनाल्डोले च्याम्पियन्स लिगको ३ वटा संस्करणको फाइनलमा गोल गर्ने नयाँ कीर्तिमानसमेत बनाएका छन् ।
यसअघि रोनाल्डोले सन् २००८ मा इंगलिश क्लब म्यानचेस्टर युनाइटेडले च्याम्पियन्स लिगको उपाधि जित्दा फाइनलमा गोल गरेका थिए । २०१४ मा रियाल म्याड्रिडले उपाधि चुम्दा पनि उनले गोल गरेका थिए ।
युभेन्टसका लागि मारियो मान्डुकिचले सान्तोना गोल फर्काए ।
जितसँगै रियाल मड्रिडले च्याम्पियन्स लिगको उपाधि संख्यालाई एक दर्जन बनाएको छ । रियालको यो लगातार दोस्रो उपाधि पनि हो ।
दुई पटक उपाधि जितेको युभेन्टसले भने सन् १९९६ पछि उचाल्न पाएको छैन ।
