-
-
-
-
काठमाडौं । इंगलिश क्लव लिभरपुल र स्पेनिस क्लव एथलेटिको मड्रिड अन्तर्राष्ट्रिय अडी कप फुटबलको फाइनलमा पुगेको छ । मंगलबार राति भएको खेलमा जर्मन क्लव बायर्न म्युनिकलाई ३–० ले हराउँदै लिभरपुल फाइनलमा पुगेको हो ।
लिभरपुललाई विजयी गराउन म्यान अफ द म्याच सदियो माने, मोहम्मद सलाह र डानियल स्टुरिजले १–१ गोल गरे ।
त्यसैगरी एथलेटिकोले इटालियन क्लव एसएससी नापोलीलाई २–१ ले हरायो । नापोलीले ५६ औं मिनेटमा होजे मारिया कालेजोनको गोलबाट अग्रता लिएको थियो ।
तर एथलेटिकोका फर्नान्डो टोरेसले ७२ औं र लुसियानो दारियो भिट्टोले ८१ औं मिनेटमा गोल गर्दै फाइनलमा लगे ।
८९ मिनेटमा डिएगो गोडिनले दोहोरो पहेंलो कार्ड खाँदा एथलेटिको १० जनामा समेटिएको थियो ।
फाइनल खेल बुधबार राति १२ः१५ मा हुनेछ । त्यसैगरी बुधबार राति २१ः३० बजे पराजित टोलीहरु नापोली र म्युनिख भिड्दै छन् ।
घरेलु लिग सुरु हुनुअघि यतिबेला चर्चित क्लवहरु प्रिसिजन खेल खेलिरहेका छन् ।
