-
-
-
-
नोउ क्याम्प । स्पेनिस ला लिगा फुटबल क्लब बार्सिलोनाले गत वर्ष विमान दुर्घटनामा आफ्ना १९ खेलाडीसहित ७१ जना गुमाएको ब्राजिलियन क्लब चापेकोएन्ससँग मैत्रीपूर्ण फुटबल खेलेको छ ।
घरेलु नोउ क्याम्पमा सोमाबार राति खेलेको बार्सिलोनाले चापेकोएन्सलाई ५–० ले हराएको छ । खेलमा नेइमारको ठाउँ लिन इंगलिस क्लव एभर्टनबाट बार्सिलोना आएका जेरार्ड डेउलोफेउले राम्रोसंग खेल देखाउने अवसर पाए ।
खेलमा जेरार्ड, सर्जियो बुस्क्वेटस्, लियोनल मेस्सी, लुइस सुवारेज र डेनिस सुवारेजले एक एक गोल गरे ।
चापेकोएन्स गएको वर्ष भएको विमान दुर्घटनामा परेर पनि बाँच्न सफल भएका एलन रुशेलको कप्तानीमा खेलेको थियो ।
विमान दुर्घटनामा परेर बाँच्न सफल भएका तीन खेलाडीमध्ये रुशेल मात्रै मैदान फर्किन सफल भएका छन् ।
