-
-
-
-
लिड्स । इंगल्याण्डलाई ५ विकेटले हराउँदै वेष्ट इन्डिजले तीन खेलको टेष्ट क्रिकेट श्रृंखलामा १–१ को बराबरी गरेको छ ।
३२२ रनको चुनौति पछ्याउने क्रममा अन्तिम दिन अन्तिम सेसनको खेलमा वेष्ट इन्डिजका शाइ होपले स्मरणिय सतक बनाए । होपले नटआउट ११८ रन बनाएका हुन् ।
त्यस्तै क्रेग ब्रेथवेटले ९५ रन बनाए । म्यान अफ द म्याच होपले पहिलो इनिङमा पनि सतक बनाउने क्रममा १४७ रन बनाएका थिए । क्रेगले १३४ रन बनाएका थिए ।
यसअघि इंगल्याण्डले पहिलो इनिङमा २५८ र दोस्रो इनिङमा ८ विकेटको क्षतिमा ४९० रन बनाएर इनिङ समाप्ति गरेको थियो ।
वेष्ट इन्डिजले पहिलोमा ४२७ रन बनाएको थियो । यो खेलसंगै तेस्रो तथा अन्तिम खेल निर्णायक बनेको छ ।
