-
-
-
-
इमाइरेट्स स्टेडियम । इंगलिस प्रिमियर लिग फुटबलमा आर्सनलले जितेको छ । घरेलु मैदानमा सोमबार राति भएको खेलमा आर्सनलले वेष्टब्रोमलाई २–० हरायो । २० मिनेटमै एलेक्जान्द्रे लाकाजेट्ले गोल गरे ।
६७ औं मिनेटमा लाकाजेट्ले पुनः पेनाल्टीमार्फत अर्को गोल थप्दै टिमलाई जिताए ।
महत्वपूर्ण दुई गोलसंगै फ्रेन्च खेलाडी लाकाजेट्सलाई न्यू साइनिङ गरेर टिममा भित्र्याउनु सार्थक देखिएको छ ।
लिगमा छैटौं चरणको समाप्तिसम्म १० अंक बटुलेको आर्सनल छैटौं स्थानमा छ ।
१६ अंकबाट म्यानचेस्टर सिटी पहिलो, १६ अंकबाटै म्यानचेस्टर युनाइटेड दोस्रो, १३ अंकबाट डिफेन्डिङ च्याम्पियन चेल्सी तेस्रो, ११ अंकबाट टोटनह्याम चौथो स्थानमा छ ।
११ अंकबाटै लिभरपुल पाँचौं तथा ११ अंकबाटै वाटफोर्ड पाँचौं स्थानमा छ । अंकविहिन क्रिस्टल प्यालेस पुछारमा छ ।
