-
-
-
-
काठमाडौं । इङ्लिस प्रिमियर लिग फुटबलमा शनिबार राति अप्रत्याशित परिणाम आएको छ । डिफेन्डिङ च्याम्पियन चेल्सी र आर्सनल पराजित भएका छन् ।
चेल्सीलाई क्रिष्टल प्यालेसले २–१ ले हरायो भने आर्सनललाई वाट्फोर्डले समान २–१ कै गोलअन्तरमा हराएको हो ।
लिगको पुछारको क्रिष्टलले पहिलो जित दर्ता गर्ने क्रममा चेल्सीलाई हराएको हो ।
म्यान्चेस्टर युनाईटेड र लिभरपुलबीचको खेल गोलरहित बराबरीमा रोकियो ।
लिगको दावेदार टोली म्यान्चेस्टर सिटीले भने शानदार जित हात पारेको छ । म्यानचेस्टर सिटील्े स्टोक सिटीलाई ७–२ ले हरायो ।
गाब्रियल जिससले २ गोल गरे ।
टोटनह्याम हट्सपरले बर्नमाउथलाई १–० ले, स्वान्सी सिटीले हडर्सफिल्ड टाउनलाई २–० ले हरायो ।
बर्नले र वेष्ट ह्याम युनाईटेडले १–१ गोलको बराबरी खेलेका छन् ।
लिगको अंक तालिकामा ८ खेलबाट २२ अंक जोडेको म्यान्चेस्टर सिटी शीर्ष स्थानमा रहेको छ ।
२० अंक जोडेको म्यान्चेस्टर युनाईटेड दोस्रो स्थानमा रहँदा तेस्रो स्थानको टोटनह्यामको १७ अंक छ ।
१३–१३ अंक जोडेका चेल्सी र आर्सनल भने क्रमशः पाँचौ र छैटौं स्थानमा झरेका छन् ।
लेस्टर, बर्नमाउथ र क्रिस्टल रेलिगेशन क्षेत्रमा छन् ।
