-
-
-
-
स्पेन । डिफेन्डिङ च्याम्पियन रियाल मड्रिड स्पेनिश लिग ला लिगा फुटबलमा धरापमा परेको छ । कमजोर आँकिएको गिरोनासंग गुल्टिएपछि रियाल मड्रिडको यो वर्ष उपाधि जित्ने सम्भावना कमजोर बनेको छ ।
गिरोनासंग उसकै मैदानमा आइतबार राति २–१ ले पराजित भएपछि रियाल स्तव्ध भएको हो ।
खेलको १२ मिनेटमै इस्कोले गोल गर्दै रियाल मड्रिडलाई अग्रता दिलाए ।
तर हाफ टाइमपछि गिरोनाले लगातार दुई गोल (५४ मिनेटमा स्टुआनी र ५८ मिनेटमा पोर्तु) गरेपछि रियाल मड्रिडले गोल फर्काउन सकेन ।
यो हारले रियालको १० खेलबाट २० अंक छ र तेस्रो स्थानमा रहेको छ । भ्यालेन्सियाको १० खेलबाट २४ अंक छ भने लिगलिडर बार्सिलोनाको २८ अंक रहेको छ ।
