च्याम्पियन्स लिगमा चेल्सी चिप्लियो, म्यानचेस्टर युनाइटेड विजयी
प्रकाशित २०७४ कार्तिक १५ बुधबार
352
Shares
काठमाडौं । च्याम्पियन्स लिग फुटबलमा इंगलिस क्लव चेल्सी चिप्लँदा म्यानचेष्टर विजयी भएको छ ।
चेल्सीलाई इटालियन क्लव ए एस रोमाले आफ्नै मैदानमा ३–० ले हराएको हो ।
म्यानचेस्टर युनाइटेडले भने पोर्चुगिच क्लव बेनेफिकालाई २–० ले हरायो ।
एन्थोनी मार्सियलले पेनाल्टीमा गोल गर्न चुकेपछि अताल्लिएको म्यानचेस्टरलाई बेनेफिकाका माइल भिलारले आत्मघाती गोल गरे पछि राहत मिल्यो ।
७८ औं मिनेटमा डाले ब्लाइन्डले पेनाल्टीबाटै गोल गर्दै म्यानचेस्टरलाई जिताए ।
अन्य खेलमा स्पेनिस क्लव एथ्लेटिको मड्रिड र काजखस्तानको एफ के काराबागले १–१ गोलको बराबरी खेलेका छन् ।
रसियन क्लव सि एस के ए मस्कोले स्विस क्लब एफ सी बाजललाई उसैको मैदानमा २–१ ले पराजित गर्यो ।
स्पेनिस क्लव बार्सिलोनालाई ग्रिसको ओलम्पियाकोसले गोलरहित बराबरीमा रोक्दा इटालियन क्लब युभेन्टसले पोर्चुगिच क्लब स्पोर्टिङ लिस्बनसँग १–१ को बराबरी खेल्यो ।
यता, नेइमार सम्मिलित फ्रेन्च क्लब पेरिस सेन्ट जर्मेनले बेल्जियन क्लब एन्डरलेच्डलाई ५–० ले हरायो । नेइमारले एक गोल गरे भने डिफेन्डर लेभिन कुर्वावाले ह्याट्रिक गरे ।
च्याम्पियन्स लिगमा कुनै पनि डिफेन्डरले ह्याट्रिक गरेको यो पहिलो पटक हो ।
त्यसैगरी जर्मन क्लब बायर्न म्युनिखले स्कटिस क्लब सेल्टिकलाई २–१ ले हरायो ।
