-
-
-
-
काठमाडौं । मोरक्को र ट्युनिसिया रुसमा हुने विश्वकप फुटबलका लागि छानिएका छन् ।
अफ्रिकी समूहको छनोटअन्तर्गतको खेलमा आईभोरी कोष्टलाई २–० ले हराउँदै मोरक्को विश्वकपमा छनोट भएको हो ।
मोरक्कोलाई विश्वकपमा पुर्याउन नाबिल डिरार र मेड्ही बेनातियाले १–१ गोल गरे । हारपछि आईभोरी कोष्ट बाहिरिएको छ ।
मोरक्को १९९८ पछि पहिलो पटक विश्वकपमा सहभागी हुँदैछ ।
अर्को खेलमा लिबियासँग गोलरहित बराबरी खेलेको ट्युनिसिया पनि विश्वकपमा छानिएको छ ।
यो समुहका ६ खेलबाट ट्युनिसियाले १४ अंक जोड्यो भने १३ अंकसहित दोस्रो स्थानमा रहेको प्रजातान्त्रिक गणतन्त्र कंगो विश्वकप छनोट हुन सकेन ।
अफ्रिकी समूहबाट नाईजेरिया यसअघि नै विश्वकपका लागि छनोट भईसकेको छ । बाँकी दुई टोलीको टुंगो लाग्न बाँकी छ ।
