मैत्रिपुर्ण खेलमा ब्राजिल, इङल्याण्ड, स्पेन, रुस, जर्मनी र फ्रान्सले खेले बराबरी
प्रकाशित २०७४ कार्तिक २९ बुधबार
587
Shares
काठमाडौं । अन्तर्राष्ट्रिय मैत्रिपुर्ण फुटबलमा मंगलबार राति धेरैजसो खेल बराबरीमा सकिएका छन् ।
निकै रोमाञ्चक खेलमा ब्राजिल र इङल्याण्डले गोलरहित बराबरी खेले ।
ब्राजिलले गोलका लागि निकै संघर्ष गर्यो । तर ब्यर्थै भयो । नेइमार पनि चल्न सकेनन् ।
स्पेनले रुससंग ३–३ को बराबरी खेल्यो । स्पेनका लागि सर्जियो रामोसले दुई गोल गरे । दुवै गोल पेनाल्टीमार्फत भए । अर्को गोल योर्डी अल्बाले गरे ।
जर्मनी र फ्रान्सले २–२ को बराबरी खेले । जर्मनीका लागि तिमो वेर्नर र लार्स टेन्डिलले गोल गरे । फ्रान्सलाई दुवै गोल एलेक्जेन्दर लाकाजेट्जले गरे ।
अन्य खेलमा दक्षिण कोरिया र सर्वियाले १–१ को, गाबोन र बोस्नियाले ०–० ले, कतार र आइसल्याण्डले १–१ को, पोर्चुगल र अमेरिकाले १–१ को, वेल्स र पानामाले १–१ को बराबरी खेले ।
बेल्जियमले जापानलाई १–० ले हरायो । स्लोभाकियाले नर्वेलाई १–० ले हरायो । अर्जेन्टिना भने नराम्ररी पराजित भएको छ ।
अर्जेन्टिनालाई नाइजेरियाले ४–२ ले हराएको हो । अर्जेन्टिनाका लागि बानेगा र सर्जियो अगुएरोले १–१ गोल गरे ।
