काठमाडौं । इंगलिस प्रिमियर लिग फुटबलमा चेल्सी चिप्लिएको छ । डिफेन्डिङ च्याम्पियन चेल्सी घरेलु मैदानमा टोटनह्याम हट्सपरसंग ३–१ ले पराजित भयो ।
खेलको ३० मिनेटमै अल्भारो मोराटाले गोल गर्दै चेल्सीलाई अग्रता दिलाए पनि त्यसपछि भने टोटनह्यामले लगातार तीन गोल गर्यो ।
डेले अलीले दुई तथा क्रिष्टियन एरिक्सेनले एक गोल गरेर चेल्सीलाई हराए ।
यो हारले चेल्सीको उपविजेताको होडसमेत सकिएको छ ।
यता, हारपछि चेल्सीका हुल्याहा दर्शकले हुल बढाएका छन् । उनीहरुलाई ठूलो सुरक्षाबीच तितरवितर गरिएको थियो ।
अर्को खेलमा आर्सनलले घरेलु मैदानमा स्टोक सिटीलाई ३–० ले हरायो । अबामेले २ तथा लाकाजेत्तेले १ गोल गरे ।
लिगमा ३१ खेलबाट ८४ अंकको म्यान्चेस्टर सिटी शिर्ष स्थानमा छ । म्यान्चेस्टर युनाइटेड ६८ अंकबाट दोस्रो, लिभरपुल ६६ बाट तेस्रो, टोटनह्याम ६४ बाट चौथो र चेल्सी ५६ बाट पाँचौ स्थानमा छ । आर्सनल ५१ अंकबाट छैटौं स्थानमा छ ।
