-
-
-
-
काठमाडौं । म्यान्चेस्टर युनाइटेडले सनसनीपूर्ण कमब्याक गर्दै म्यान्चेस्टर सिटीलाई पराजित गरेको छ । सिटीको मैदानमा शनिबार राति भएको खेलमा २–० ले पछि परेको युनाइटेडले अचम्मैसंग कमब्याक गर्दै खेल ३–२ ले जित्यो ।
यो खेल जितेको भए सिटीले छ खेल अगाडि नै इंगलिस प्रिमियर लिग फुटबलको उपाधि जित्ने थियो । यो खेलबाट सिटीको उपाधि पक्का गर्न अर्को एउटा खेल जित्नुपर्ने भएको छ ।
घरेलु मैदानमा खेलेको सिटीले २५ औं मिनेटमा कोम्पानीको र ३० औं मिनेटमा गुएन्डोगानको गोलबाट २–० को अग्रता लियो ।
तर दोस्रो हाफमा युनाइटेडले तीन गोल गरिदियो । ५३ औं मिनेटमा बल पोग्बाले, ५५ औं मिनेटमा पुनः पोग्बाले र ६९ औं मिनेटमा क्रिस स्मालिङले गोल गर्दै युनाइटेडलाई जिताए ।
यो खेलपछि ३२ खेलबाट सिटीको ८४ अंक छ । सनसनीपूर्ण म्यान्चेस्टर डर्बीमा जित पाएको युनाइटेडको ७१ अंक भएको छ ।
एक खेल बढी खेलेको लिभरपुलको ६७, ३२ खेलबाट टोटनह्यामको ६७ नै अंक छ । डिफेन्डिङ च्याम्पियन चेल्सीको ५६ अंक छ ।
