-
-
-
-
काठमाडौं । प्रिसिजन फुटबल धमाधम चलिरहेको छ । लिग फुटबल सुरु हुनै लाग्दा भएको खेलमा इंगलिस क्लव लिभरपुलले इटालियन क्लव एसएससी नापोलीलाई ५–० ले हरायो ।
लिभरपुलले खेलको चौथो मिनेटमै गोलको खाता खोल्यो । जेम्स मिल्नरले पहिलो गोल गरे । ९ मिनेटमा जर्जिनियो विजाल्डमले गोल गरे ।
५८ औं मिनेटमा मोहम्मद सालेहले गोल गरे । सालेह पूरै फिट भएको प्रमाण पनि दिएका छन् ।
७३ औं मिनेटमा डानियल स्टुरिज र ७७ औं मिनेटमा अल्बर्टो मोरेनोले गोल गरे ।
खेलमा जेम्स मिल्नर नापोलीका मारियो रुइसंग ठोक्किएपछि घाइते भएका छन् ।
अन्तर्राष्ट्रिय मैत्रिपूर्ण खेलमा ह्यानओभर ९६ ले युडिनेसलाई ५–१ ले, भ्यालेन्सियाले एभर्टनलाई ३–२ ले, फुल्हमले सेल्टाभिगोसंग २–२ को, लेस्टर सिटीले लेलेलाई २–१ ले, रियाल बेटिसले कार्डिफ सिटीलाई २–१ ले र एथलेटिक बिलबाओले रियाल सोसिडाडलाई १–० ले हरायो ।
