जब रोनाल्डोले छोडेको क्लवले खेल्दै गरेको क्लवलाई हरायो
प्रकाशित २०७५ साउन २० आइतबार
241
Shares
काठमाडौं । प्रिसिजन फुटबल अन्तर्गतको च्याम्पियन्स कप प्लेअफमा स्पेनिस क्लव रियाल मड्रिडले इटालियन क्लव युभेन्टसलाई हराएको छ । मेरिल्याण्डमा भएको खेलमा रियाल ३–१ ले विजयी भएको छ ।
डानियल कार्भाजलले आत्मघाती गोल गरेपछि युभेन्टसले अग्रता लिए पनि त्यसपछि रियालले लगातार तीन गोल गर्यो ।
रियालका लागि मार्को असेन्सियोले २ तथा ग्यारेथ बेलले १ गोल गरे ।
रियाल मड्रिडबाट हालै क्रिष्टियानो रोनाल्डोले छाडेर युभेन्टस गएका थिए । उनले रियाल विरुद्धको खेल नखेले पनि चुनौती भने दिन प्रतिदिन थपिएको छ ।
स्पेनिस क्लव बार्सिलोना भने लयमा देखिएको छैन । बार्सिलोना एसी मिलानसंग १–० ले पराजित भयो । सदावहार कप्तान लियोनल मेस्सी बिना नै बार्सिलोना मैदानमा उत्रिएको थियो ।
